மண்ணின் மைந்தன்
தாவரங்களின் தவப்புதல்வன்
மாடுகளின் தோழன்
மரங்கள் காதலன்
மாடுகளின் தோழன்
ஆடுகளின் மேய்ப்பன்...!
ஈட்டிமுனையைவிட இவன்
ஏர்முனை...கூர்மையானது
போருக்குச் செல்பவன் அல்ல
ஏருக்குச் செல்பவனே வீரன்
கோயில்கள் விழுந்தாலும்
கோபுரங்கள் சரிந்தாலும்
நிமிர்ந்து விடும் உலகம்
விவசாயி மடிந்தால்
விவசாயம் அழிந்தால்...
மனித இனம் மாண்டு விடும்
மறுபடியும் எங்கே மீண்டு வரும்?
ஊருக்கு எல்லாம் உணவளிப்பான்- தன்
உணவுக்காக ஏங்கி தவிப்பான்
தாகத்திற்கு இளநீர் கொடுப்பான்-தன்
தாகம் தீர தவியாய் தவிப்பான்
செவ்வாய்க்கு விஞ்ஞானம் சென்றாலும் - நம்
வாய்க்கு சோறிடுவது இவன்தான்..!
வறண்ட காடாயினும்
உயர்ந்த மேடாயினும்
காய்ந்த நிலமாயினும்
ஒட்டிய வயிறுடன்
ஓடி ஓடி உழைப்பான்..
வானம் மழை தர மறுத்தாலும்
பூமி விலை தர மறுத்தாலும்
சாமி வரம் தர மறுத்தாலும
சளையாமல் உழைப்பான்..!
உழைப்பு உழைப்பு உழைப்பு
உழைப்புதான் இவனுக்கு மூச்சு
இவனில்லையெனில்
உலகுக்கே போச்சு போச்சு...!
#பொன்.தாமோ
No comments:
Post a Comment