புரட்சிக் கவிஞர் பாரதிதாசன் (பேச்சுப்போட்டி)
செந்தமிழே! செங்கரும்பே! செந்தமிழர் சீர்காக்கும் நந்தா விளக்கே நாயகியே! - முந்தை மொழிக்கெல்லாம் மூத்தவளே! மூவேந்தர் அன்பே! எழில்மகவே! எந்தம் உயிரே தமிழே உனக்கு என் முதல் வணக்கம் இங கே வீற்றிருக்கும் சான்றோர் பெருமக்களுக்கும் என் போன்றவர்களுக்கும் என் தமிழ் வணக்கம்.இனி என் உரை தொடக்கம்.
புதியதோர் உலகம் செய்வோம் கெட்ட
போரிடும் உலகத்தை வேரோடு சாய்ப்போம்..
ஒற்றுமை உலகக் காண முரசு கொட்டிய புரட்சி கவிஞர்
தமிழுக்கும் அமுதென்று பேர் - அந்தத்
தமிழின்பத் தமிழெங்கள் உயிருக்கு நேர்..
என தமிழினை நேசித்த
தமிழின் பெருங்காதலன்
எங்கள் வாழ்வும் வளமும்
அங்காத தமிழென்று சங்கே முழங்கு
என்று சங்க நாதம் எழுப்பியவன்..
பாரதியின் மீது இருந்த பக்தியினாலும் பெரும் பற்றினாலும் கனகசுப்பிரத்தினம் என்ற தனது பெயரை பாரதிதாசன் என்று மாற்றிக்கொன்ற பாவேந்தரை பற்றிய சில துளிகள் தான் எனது இந்த சிற்றுரை..
படி படி அம்மா சொல்கிறார் அப்பா சொல்லுகிறார் ஆசிரியர் சொல்லுகிறார் ஆனால் எதைப் படிக்க வேண்டும் எப்படி படிக்க வேண்டும் இதோ புரட்சி கவிஞர் சொல்கிறார் பாருங்கள்
சங்கத்தமிழ் நூலைப்படி - முறைப்படி
நூலைப்படி
காலையிற்படி கடும்பகல்படி
மாலை இரவு பொருள் படும்படி
நூலைப்படி! சங்கத் தமிழ் நூலைப் படி
கற்பவை கற்கும்படி
வள்ளுவர் கொள்கைப்படி
கற்கத்தான் வேண்டும் அப்படி
கல்லாதவர்கள் வாழ்வதெப்படி?
நூலைப்படி! அறம்படி பொருளைப்படி
அப்படியே இன்பம் படி
இறந்த தமிழ் நான்மறை பிறந்ததென்று சொல்லும்படி
நூலைப்படி! அகப்பொருள்படி அதன்படி புறப்பொருள்படி
சாதி என்னும் தாழ்ந்தபடி
நமக்கெல்லாம் தள்ளுபடி
சேதி அப்படி தெரிந்துபடி
(நூலைப் படி)
ஆம் படி படி படிப்புதான் வா விண்ணை நோக்கி ஏற்றும் ஏன் இப்படி சமூக அவலங்களை அறுத்து எரியும் ஆயுதம் கல்விதான் வேற்றுமைகளை களைந்து ஒற்றுமையை உருவாக்கும் உன்னத சக்தி கல்விக்கு தான் உண்டு.
ஏழை கோழையாக இருக்கும் வரைதான் இந்த நிலை இருக்கும். அவன் தாழ்ந்து குனிந்து பணிந்து வாழும் நிலையிலிருந்து நிமிரும் நிலை வரும். போது, ஒரே நொடியில் உலகம் மாறிவிடாதா எனக் கேட்கின்றார்.
ஓடப்பராயிருக்கும் ஏழையப்பர்
உதையப்பராகிவிட்டால்
ஓர்நொடிக்குள் ஓடப்பர்
உயரப்பர் எல்லாம் மாறி
ஒப்பப்பர் ஆய்விடுவார் உணரப்பா நீ •
என்று என்று அதிகார வர்க்கத்திற்கு எச்சரிக்கை விடுத்தார்.
எல்லா அடிமைத்தலைகளிலிருந்தும் தமிழினம் விடுதலை பெற வேண்டும் என்பது பாவேந்தரின் கனவு
அதனால் தான் பாடினார்.
பூட்டிய இருப்புக் கூட்டின் கதவு
திறக்கப் பட்டது!
சிறுத்தையே வெளியில்வா!
எலிஎன உன்னை இகழ்ந்தவர் நடுங்கப்
புலிஎனச் செயல்செய்யப் புறப்படு வெளியில்!
நம்பினை பகலினை நள்ளிருள் என்றே
சிம்புட் பறவையே சிறகைவிரி! எழு!
சிங்க இளைஞனே திருப்புமுகம்! திறவிழி!
இங்குன் நாட்டுக் கிழிகழுதை ஆட்சியா?
கைவிரித் துவந்த கயவர், நம்மிடைப்
பொய்வி ரித்து நம் புலன்கள் மறைத்துத்
தமிழுக்கு விலங்கிட்டுத் தாயகம் பற்றி
நமக்குள உரிமை தமக்கென் பார்எனில்,
வழிவழி வந்தஉன் மறத்தனம் எங்கே?
மொழிப்பற் றெங்கே? விழிப்புற் றெழுக!
இகழ்ச்சி நேர்ந்தால் இறப்போம் என்றும்
புகழ்ச்சி யேஎம் பூணாம் என்றும்
வையம் ஆண்ட வண்டமிழ் மரபே
கையி ருப்பைக் காட்ட எழுந்திரு!
என்று போர் முரசு கொட்டியவன்.
இன விடுதலை, நாட்டு விடுதலை
பெண் விடுதலை குறித்து புதுமையாக சிந்தித்ததால் தான் புரட்சிக் கவிஞன் என்று வரலாற்றில் பொன்னெழுத்துக்களால் போற்றப்படுகிறார்.
வாழ்க பாரதிதாசன் புகழ்! வளர்க தமிழ் நன்றி
