இழப்பதற்கு எதுவும் இல்லை

பெறுவதற்கு பொன்னுலகுஉண்டு . ...

 முதலாளித்துவத்தை
 பேனா முனையால்
முட்டி.... முட்டி....
சாய்த்த கதை ...
தனி ஒரு மனிதன்
 தன் கருத்தை
பேனா முனையால் ...
தொழிலாளர்களின் இதயத்தில்
 குத்தி குத்தி தைத்த கதை ......
அதுதான் காரல் மார்க்சின் கதை ....'


1818இல்
 ஜெர்மனியின்
 ரைன் நதிக்கரை நகரத்தில்
ஹெர்ஷல் மார்க்ஸ் - ஹென்ரிட்டா தம்பதியருக்கு
 பிறந்த தவப்புதல்வர் தான்
காரல்மார்க்ஸ்

 எல்லா குழந்தையும்
 தன் பசிக்காக அழுதபோது...
பிறக்கும்போதே பிறர் பசிக்காக
அழுத குழந்தை இது ..


பள்ளிப் படிப்பு ...
கல்லூரி படிப்பு ...
மான்செஸ்டரில் நூலகப் படிப்பு ....
படிப்பு ...படிப்பு....
 பகல் இரவு பாராத படிப்பு ....
மாரக்சை
 மாமேதை ஆக்கியது

இளமைக்காலத்தில் ...
மார்க்ஸ்
 வாய்திறந்தால்
ஷேக்ஸ்பியரின் கவிதையும்
 ஜென்ரிச்ஹெய்னேயின் கவிதையும்
அருவியாய் கொட்டும் ..

அவ்அருவியில் ....
நனைந்து நனைந்து...
.கரைந்து கரைந்து
காதலியானால் ஜென்னி .....



வாரப்படாத தலை
ஒழுங்கில்லாத தாடி
கரடுமுரடான தோற்றம் ...
காரல்மார்க்ஸ் அடையாளம்

பேரழகும் பேரறிவும்
சேர்த்து  செய்த செப்புச் சிலை
 பிரபு குடும்பத்தின் வாரிசு ஜென்னி
எரிமலையின் இதயத்திற்குள்
இடம்பெயர்ந்தது இந்த ரோஜா ....

மார்க்ஸ் இதயத்தில்
சிறு கனவாக இருந்த
 பொதுவுடமை சித்தாந்தம் ....
ஜென்னியின் அன்பால்
 ஊழித்தீ ஆனது ....

சோம்பேறி தேனீக்களை உழைக்கும் தேனீக்கள் அழித்துவிடும் ....
,ஆனால் மனிதர்களில் சோம்பேறியாக இருப்பவர்கள் உழைக்கும் மக்களை அழித்து விடுகிறார்கள்.... என்றார்

உலக தொழிலாளர்களுக்காக
உரத்த குரலாக
ஒலித்தது அவர் குரல்...
 ஜெர்மனியின் முதலாளிவர்க்கம்
 முறைத்தது .....
சிங்கத்தை சிறைபிடித்தது...
 மன்னிப்பு என்ற ஒற்றைச் சொல்லை
 ஒருமுறை சொல் ...
விடுதலை என்றது

மார்க்ஸ் மறுத்தார்
ஜெர்மன் நாடு கடத்தியது
 பெல்ஜியத்துக்கு


27 வயது இளைஞனை
 கண்டு பெல்ஜியத்தின்
 அதிகார நரம்புகள் நடுங்கின
 பேனாவை தொட்டால்
 பெருஞ்சிறை என்றது...


சுற்றும் பூமி நிற்கலாம்
சுடரும் சூரியன் அணையலாம்
உழுபவனுக்கே
 நிலம் சொந்தம் ஆகும் வரை
வியர்வை சிந் தியவனுக்கு
 வீடு சொந்தமாகும் வரை ...
என் பேனாவுக்கு
ஓய்வு இல்லை ...
முழங்கினார் மார்க்ஸ்

நீயூயார்க் டெய்லி டிரிப்யூன்
இதழில்......
 இமைகள் கருக
இரவு பகலாய்
விடிய விடிய .....
விழித்திருந்து
 500 கட்டுரைகள் எழுதினார்
மார்க்சின் சிந்தனை
காட்டுத் தீயானது.



மார்க்ஸின்
விமர்சன அம்புகள்
குறி தவறாமல் ...
முதலாளி வர்க்கத்தின்
மூளையை தைத்தது
மிரட்டிய கூட்டம் மிரண்டது ...
பாய்ந்த கூட்டம் பயந்தது ...

15 ஆண்டு உழைப்பு
பல்லாயிரம் நூல்கள் படிப்பு
பயனாய் விளைந்தது மூலதனம்
 எனும் படைப்பு ....

பூவுலகின்
புதிய சூரியனாய்
1867 செப்டம்பர் 14 மூலதனம்
 முதல் தொகுதி வெளியானது
தூங்கிக்கொண்டிருந்த
 தொழிலாளர்கள் கூட்டம்
 துடித்து எழுந்தது ...
விண்ணதிர வீறு நடை போட்டது..

 முதலாளித்துவத்தின்
 முதுகெலும்பை உடைக்க
மூலதனம் ....மூலதனமானது .

இழப்பதற்கு எதுவுமில்லை
பெறுவதற்கு ஒரு பொன்னுலகு உண்டு
மார்க்ஸின் மந்திரச்சொல்
தொழிலாளர்களுக்கு
தாரக மந்திரமானது....
அணுக்களில் ஊடுருவியது
அதுவே புரட்சியாக வெடித்தது
 விடுதலையை வென்றது
.....
ஏழ்மையும் வறுமையும்
பசியும் ....
காரல் மார்க்ஸ் குடும்பத்தைத்
 தின்றது .......
உணவின்றி ஒட்டிய
வயிற்றுடன்
நோயோடு போராடிய
முதல் மகனை
ஒரு வயதில் மரணம்
 கொத்திச் சென்றது...

ஏழ்மை தாங்காது
 எட்டாவது வயதில்
எட்கர் என்னும்
இன்னொரு மகனும்
மரணத்தின் வாயில் விழுந்தான்...

மூன்றாவது குழந்தை
பசியோடு ஜென்னியின் தனத்தை
பற்றியபோது ....
பாலுக்கு பதில் ரத்தம் கசிந்தது ....
அதுவும் மாண்டது
பிரபு குடும்பத்தில் பிறந்த
பெருமாட்டி
சொன்னாள் ...
என் குழந்தை பிறந்தபோது
 தொட்டில் வாங்க முடியவில்லை ...
இறந்தபோது ...
சவப்பெட்டி வாங்க முடியவில்லை
 என்று....

 இன்று உலகில்
மொத்த மக்கள் தொகையில்
மூன்றில் ஒரு பங்கினர்
பொதுவுடமை கொள்கையினராம் ..

1883 ஆம் ஆண்டு மார்க்ஸ்
 மரணமடைந்தபோது
இறுதிச்சடங்கில்
கலந்து கொண்டவர் எட்டு பேர்....