பிதாவே....
இவர்களை மன்னிக்காதீர்
இவர்கள்
தாம் செய்வது இன்னது என்று
தெரிந்தே செய்கிறார்கள்
உரத்த சத்தத்தோடு
செய்யும் பிரார்த்தனை ....
சாபமாக கருதப்படும் என்றீர்
ஆனால் இவர்களோ
உன் திருப் பெயரை ...
ஒலிபெருக்கி மூலமே ஓங்கி பறைசாற்றுகின்றனர் .....
அண்டை வீட்டுக்காரரிடம் அன்பு செலுத்தச்சொன்னீர்
இவர்கள்
அண்டை வீட்டுக்காரரிடம்
மட்டுமல்ல ....
அண்டை நாடுகளுடன்
ஆயுத்தோடு தான்
பேசுகிறார்கள் .
சிறியவர்களாகிய இவர்களுக்கு
எதைச் செய்தீர்களோ ...
அதை எனக்கே செய்தீர்கள்....
என்றீர்.....
இவர்கள் சிறியவர்களுக்கு
கொடுப்பதெல்லாம்
சிலசில்லறைகளையும்
செல்லாத நோட்டுகளையும் தான். ..
கொலை செய்யாதிருப்பாயாக
என்றீர்
இவர்களோ
வளர்த்த ஆடுகளையும் வறுத்து புசிக்கின்றனர் ....
உன் வலது கை
செய்வது
இடது கை
அழியாதிருக்க கடவது
என்றீர்...
நவீனஅப்போஸ்தலர்கள் எல்லாம் ஆளுக்கு ஒரு
தொலைக்காட்சி
தொடங்கிவிட்டனர் ...
பிதாவே இவர்களை
மன்னிக்க வேண்டாம்...
தாங்கள் செய்வது இன்னதென்று தெரிந்தே செய்கிறார்கள்...
No comments:
Post a Comment