கவிதை - மாற்றம் ஏமாற்றம்

காலம் மாறி விட்டது

 பசும்புல் மேய்ந்துவிட்டு
 புன்னைமர நிழலில்
படுத்து
அசை போட்ட
காலம் போய் ...
காகிதக் குப்பைகளைத்
தின்றுவிட்டு
நெகிழிக் குப்பைக்குள்
ஓய்வெடுக்கின்றன
நகர பசுக்கள் ....

 தாய்ப் பால்
மறந்த பிஞ்சுகள்
ஆவின் பாலை குடித்துவிட்டு
ஆஸ்பத்திரி தொட்டிலில்
சன் மியூசிக் கேட்டபடி
கிலுகிலுப்பை விளையாடுகின்றன ...

 இப்போதெல்லாம்
குரங்குகள் மனித சேட்டை செய்வதில்லை ....
பொறுப்புடன்
 நடந்து கொள்கின்றன..

 கட்சிக்குக் கட்சி
தாவும் தலைவர்களின் வேகம்
 கிளைக்குக் கிளை தாவும்
 குரங்கின் வேகத்தை விட
அதிகம் ....

 திருடனின் பிஸ்கட் சுவையில்
 நாய்கள் மறந்துவிட்டன....
 நன்றியை .....

அகவிலைப்படி
அந்தப்படி
இந்தப்படி
கைநிறைய பெற்றாலும்
 மேற்படி கொடுத்தால்தான்
 வேலை நடக்கிறது.. .